Shefja e burimeve njerëzore pranë Drejtorisë së Shëndetit Publik në Ersekë e emëruar nga PS-ja, Dorina Tolla ka kërcënuar dhe rrahur shefen e Financës Kristina Stoja e emëruar nga LSI-ja. Policia tha se sherri ndodhi për motive banale por gazetarët lokale kanë zbardhur ngjarjen duke deklaruar se sherri ka ndodhur për vota. Sipas tyre shefja e personelit, 30 vjeçarja Tolla është e PS-së ndërsa shefja e Financës, 55 vjeçarja Stoja është e LSI-së. Mësohet se Tolla ka kërcënuar punonjësit se nëse nuk votojnë PS do largohen nga puna. Stoja ka reaguar ashpër dhe këtu ka plasur sherri, ndaj dhe të dyja kanë përfunduar në polici.
Përmes një njoftimi për mediat, policia e shtetit tha se po procedohet penalisht në gjendje të lirë shefja e Burimeve Njerëzore për veprën penale: “Dëmtime të tjera me dashje”.
“Specialistët e Seksionit për Krimet në Komisariatin e Policisë Kolonjë, filluan procedimin penal në gjendje të lirë ndaj shtetases :D.T, 30 vjeçe, banuese në Ersekë (me detyrë shefe e Burimeve Njerëzore pranë Drejtorisë së Shëndetit Publik Ersekë). Procedimi ndaj saj filloi pas kallëzimit të bërë më datë 21.06.2017, nga shtetasja K.S, 55 vjeçe, banuese në Ersekë, me detyrë shefe Finance pranë kësaj Drejtorie, e cila ka deklaruar se shtetasja D.T, në ambientet e Poliklinikës të qytetit të Ersekës, për motive të dobëta, e ka fyer dhe goditur në fytyrë këtë të fundit”, thuhet në njoftimin e policisë.
/Opinion.al
Foto nga rrjetet sociale:
Foto kryesore Dorina Tolla
Foto 2 Kristina Stoja
