I pari i PD-së në listën e Shkodrës, pedagogu Romeo Gurakuqi, në një intervistë për dritare.net akuzon Metën, se si President është në shkelje te Kushtetutes, pasi po bën fushatë për LSI-në.
“Presidenti i zgjedhur e ka shkelur Kushtetutën, sepse vazhdon të bëjë fushatë në një kohë kur ai duhet shkarkuar sepse e ka shkelur Kushtetutën dhe siç duket e ka të qartë se nuk do të jetë President Republike, nuk do ta marrë mandatin, sepse radha i vjen shkarkimit të tij”- thotë kandidati i PD-së për deputet.
Ndërsa i pyetur se si u përfshi në politike dhe si e vendosi Basha të parin në Shkodër Gurakuqi shprehet: “Unë nuk e dija që isha kandidat, e kam marrë vesh në orën 00:35 minuta, pas disa telefonatave që më kanë ardhur nga miqtë të cilët e kishin parë në media”.
I pyetur nëse e kishte komunikuar më herët me liderin demokrat, ai tha: “Po, më ka marrë Basha në telefon nga mesdita, thjesht më ka pyetur nëse isha dakord për të qenë në listat e PD, por nuk kam pasur asnjë lloj informacioni tjetër, ku do isha dhe cili numër do të isha në listë”.
