Helmohen 11 punonjëse të një fabrike këpucësh në Fushë – Krujë. Ato janë paraqitur në spital pasi kishin komplikacione shëndetësore.
Punonjëset mësohet se janë ndjerë keq gjatë orarit të punës dhe paraprakisht dyshohet se shkak ka qenë aspirimi jo i mirë dhe efektet negative të çliruara nga lënda kimike që përdoren në fabrikë.
Aktualisht ato ndodhen nën kujdesin e mjekëve, fatmirësisht jashtë rrezikut për jetën, ndërsa policia në bashkëpunim me Prokurorinë e Rrethit Gjyqësor Krujë dhe Inspektoratin e Mjedisit, po kryejnë të gjitha veprimet e duhura për përcaktimin e shkakut dhe zbardhjen e plotë të ngjarjes.
