Shumë punonjës të shtetit e sidomos nga administrata doganore e tatimore kanë marrë lejen vjetore ose siç njihen ndryshe (pushimet e verës) që në Maj apo i kanë planifikuar për në qershor. Kjo për shkak se janë të angazhuar me subjektet politike që i kanë futur në punë, PS dhe LSI.
Por Ministrja e re e Financave, Helga Vukaj pasi është njohur me këtë fenomen ka anuluar të gjithë lejet vjetore përgjatë muajve maj dhe qershor. Kështu të gjithë punonjësit e shtetit që kanë varësi nga Ministria e Financave do ta bëjnë lejen në korrik e gusht.
