Kreu i Kuvendit Ilir Meta iu përgjigj sot interesimit të medias një ditë pas votimit të Vetingut në parlament. “Do vlerësoj gjithë faktorët që kontribuuan në këtë moment të ri dhe të vazhdojnë në këtë mënyrë konstruktive për të realizuar zgjedhje transparente dhe për të dhënë mesazhe për qytetarët shqiptarë larg çdo lloj përgjegjësie”, tha ai.
I pyetur nga gazetarët se po qarkullojnë zëra se ka qenë ai që e ka dërguar Edi Ramën në krahët e Bashës, ai tha, “nuk mendoj se vajtja e zotit Rama në krah të Bashës ishte e sforcuar, por duhet parë si pozitive. LSI, tha Meta, ka luftuar që ata të dy të gjenin një zgjidhje përmes dialogut.
“Në ka një forcë që duhet të jetë e gëzuar për këtë marrëveshje është LSI, sepse ka punuar gjithmonë për këtë konsensus dhe ka qenë shumë e qartë kur ka thënë se duhet një qeveri besim për zgjedhjet dhe kështu ka ndodhur. Nuk u bë qeveri teknike pa Edi Ramën. U bë qeveri teknike me ministra teknik dhe me kryeministër Edi Ramën.
LSI ka bërë të qartë se vendoste në dispozicion të gjithë kandidatët e saj dhe LSI është ajo që ka hequr vetëm një ministër edhe pse ne ishim të gatshëm për të ofruar të gjithë postet dhe më shumë ka sakrifikuar PSm por natyrish edhe PD.
Kemi arritur një moment mjaft pozitiv po të krahasonim ku ishim para dy javëve. Kemi zgjedhje me opozitën, miratimin e reformës.
Gjithashtu, Meta tha se LSI ka pasur rezultate shumë të mira si në zgjedhjet e vitit 2013 ashtu dhe në zgjedhjet e 2015.
“Me lejoni të them diçka me rezultatet e 2015, LSI mori 35 kandidatë. Dhe mendoj se në këto zgjedhje kemi të sigurt 7 mandate në Tiranë, 5 në Durrës, 4 në Elbasan dhe 4 në Korçë.
Jemi në një moment dhe të ecim përpara me qetësi, dashuri dhe pa xhelozi, shtoi ai.
