Drejtori i ALUIZNI-t, Artan Lame është një nga emrat që do të largohet nga posti për shkak të marrëveshjes Rama-Basha. Me anë të një shënimi në rrjetin social Facebook, Lame shkruan se në këtë klimë mosbesimi të ndërsjellë, kreu i opozitës kërkoi që të merrte nën kontroll edhe Aluizni-n, me të drejtë, por me shumë gjasa nuk ndihmon me fitu vota.
Me nota të theksuara ironie, ai tërheq një paralele të largët sarkazme, duke treguar një histori pak a shumë kështu: përmbledhur me pak fjalë…
Sulltan Mehmeti pasi u mund nga Skënderbeu ynë, i shkon një llaf që ish hapur, sipas të cilit Gjergji paskësh një pallë të madhe larë me flori, e cila bënkësh kërdi mbi kokat e turqve. Pasi bindet për këtë, çon një dërgatë që ja kërkon pallën Gjergjit me çdo çmim. Gjergji nuk ua bën dy fjalën dhe e dorëzon pallën në dorë të dërgatës, por duke ju thënë: “I thoni zotit tuaj që nuk është palla, por krahu që e mban, ai që ka bërë kërdi mbi kokat tuaja”.
……
Në këtë klimë mosbesimi të ndërsjellë, kryetari Basha i opozitës, me të drejtë të vet kërkoi që ta merrte ndën kontroll Aluizni-n, se mos e ndihmon të fitojë vota.
Nga an’ e tija kryeministri Rama pa u menduar dy herë ja dha këtë kontroll.
E kjo punë, më sjell ndër mënd një histori prej qëmoti.
Barleti mes të tjerash shkruan për një ndodhí që s’di sa është e vërtetë, por edhe pa gjë zor të jetë.
Sulltan Mehmetit, pasi u mund e u mund nga Skënderbeu ynë, i shkon një llaf që ish hapur, sipas të cilit Gjergji paskësh një pallë të madhe larë me flori, e cila bënkësh kërdi mbi kokat e turqve.
Atëhere Sulltani çon një dërgatë që ja kërkon pallën Gjergjit me çdo çmim.
Gjergji nuk ua bën dy fjalën dhe e dorëzon pallën në dorë të dërgatës, por duke ju thënë:
“I thoni zotit tuaj që nuk është palla, por krahu që e mban, ai që ka bërë kërdi mbi kokat tuaja”.
Edhe në këtë punën tonë, nuk ishte palla, ligje a përdorim fushate, që na bëri që të fitojmë zemrat e mbi 100.000 familjeve që përfunduan procesin çerek-shekullor të legalizimit të pronës së tyre.
Ishte krahu, puna e përkushtimi i qindra djemve e vajzave që shkuan shtëpi më shtëpi cep më cep të Republikës, që na i dha këtë rezultat.
Do të rrojmë e do të shikojme që, edhe ne keto zgjedhje, kështu do jetë.
