Zakonisht, lajmin e ardhjes së një fëmije në jetë jemi mësuar që e jep dyshja, por ja që ndodh që “çifti” të përbëhet edhe nga 3 persona. Ky është pikërisht rasti i një të riu britanik, i cili ka zgjedhur që ta kalojë jetën, jo me një, por me 2 gra dhe është pafundësisht krenar për këtë. Prej 2 vitesh duket se jeton bashkë me partneret e tij njëkohësisht.
Baba i një djali 2-vjeçar është në pritje të fëmijës së dytë nga e dashura tjetër. Mund të duket e pazakontë, por të gjithë në familjen e madhe janë shumë të lumtur. Kështu që kësaj here, ata që e japin lajmin janë 3 prindërit e rinj.
Ai është vetëquajtur gjithmonë mashkulli më me fat në botë, dhe në fakt është. “Jemi shumë të lumtur që të 3 së bashku do të rrisim fëmijët tanë. Familja jonë po bëhet edhe më e madhe. Kemi biseduar dhe vendosëm që fëmijët duhet të mësohen me të pasurit 2 nëna dhe një baba. Ne mendojmë se të jesh 3, funksionon më mirë se 2.”- kështu është shprehur 36 vjeçari.
Ai këmbëngul se një lidhje “normale” me 2 persona është shumë e lodhshme dhe stresuese, ndërsa kështu gjërat janë më të thjeshta. Fillimisht i riu tregon se kur i ka prezantuar dy të dashurat e tij tek familjarët dhe miqtë, ata kanë dyshuar në jetëgjatësinë e kësaj lidhjeje. Për më tepër, ai është tërësisht i mendimit se shoqëria në të cilën jetojmë është drejt kësaj forme të re të familjes. Ai thjesht nuk ka frikë ta pranojë.
