Një konflikt me armë ka ndodhur mëngjesin e sotëm në Krujë. Policia tha se rreth orës 06: 45, në ambientet e një lokali, tek një karburant, në afërsi të stadiumit janë zënë dhe më pas kanë përdorur armët disa persona. Ngjarja ka ndodhur për motive të dobëta.
Raportohen dy të palgosur me armë zjarri. Konkretisht, R.Sh. rreth 55 vjeç dhe G.G.(plagosur lehtë në dorë) rreth 30 vjeç, banues në Krujë.
Të dëmtuarit ndodhen në Spitalin Ushtarak Tiranë ku shtetasi R.Sh. ndodhet nën kujdesin e mjekëve ndërsa shtetasi G.G. është jashtë rrezikut për jetën.
Gjatë kqyrjes së vendit të ngjarjes është gjetur arma e zjarrit tip pistoletë TT dhe një gëzhojë.
Policia e Krujës ka identifikuar menjëherë autorin e dyshuar dhe po punon për kapjen e tij. /Opinion.al
*foto ilustruese
