Ylli amerikan i filmave aksion, Stiven Seagal, është ndaluar të hyjë në Ukrainë për pesë vjet pasi shërbimi i sigurimit ukrainas (SBU) e ka etiketuar si një kërcënim për sigurinë kombëtare dhe e vendosi në listën e zezë.
“Vendimi për ndalimin e hyrjes se tij është marrë sepse ka mjaft informacione se po kryen një veprim të rrezikshëm, që bie në kundërshtim me interesat e mbrojtjes dhe sigurisë së Ukrainës”, tha SBU-ja në një deklaratë.
Megjithatë, ajo nuk dha detaje që mund të hedhin dritë mbi arsyen pse aktori amerikan tërhoqi vëmendjen e shërbimit të sigurisë ukrainase.
Zëdhënësja e SBU-së gjithashtu konfirmoi ndalimin e një organizate tjetër të medias ukrainase, e njohur si “UNN”.
Burimi: Syri.net
