Sekretari për aksionin qytetar në PD, Ervin Saliani dhe kreu i PSD-së, Skënder Gjinushi janë përplasur dje fort te “Studio e Hapur” e Eni Vasilit.
Saliani ka folur për figurat e vjetra në politike, që sipas tij duhen larguar. Aty ai është përplasur me Gjinushin.
Sherri i plote nis ne minuten e 20-te te videos.
SHERRI
Gjinushi: Tani të mos merremi me gjërat e dorës së dytë por të merremi me kryesoret, sepse është krejtësisht e pazakontë të diskutohet para zgjedhjeve nëse hyn apo jo opozita në zgjedhje. Dhe nuk ka ndodhur kurrë në këto 27 vite demokraci…
Salianji: Edhe kur ke qenë ministër ti para 27 vjetësh njësoj ka qenë… Një parti ka qenë nuk është se ka qenë ndonjë ndryshim i madh…
Gjinushi: Çfarë po thu o burrë i dheut?!
Salianji: Edhe kur ke qenë ministër ti me Ramiz Alinë njësoj ka qenë. Për ty nuk bën ndonjë diferencë të madhe nëse ka zgjedhje apo nuk ka zgjedhje…
Gjinushi: Kush tha mo?
Salianji: Unë po them.
Gjinushi: Ti nuk po dëgjon çfarë po them unë.
Salianji: Ti po thua që s’ka ndodhur ndonjëherë. Ka ndodhur more ka ndodhur. Kur ke qenë ti ministër…
Gjinushi: Po lërë mo çfarë kam qenë unë ministër. Ti buzëqumësht je o…
Salianji: Po unë buzëqumësht jam se me ty jam rritur. Xhaxhi Gjinushi ministër, xhaxhi Gjinushi pastaj kryetar parlamenti. Pastaj ministër tjetër. Për këtë po luftojmë ne. Unë kam ardhur që të luftoj një model kundër teje. Që ke 27 vjet që edhe pa u votuar, pa marrë asnjë votë del këtu dhe flet gjithë kohën, këtë po them.
Gjinushi i drejtohet Eni Vasilit: Ore ç’e ke këtë ti?! Normal është ky moj? Çfarë thua o idiot! Po ti qenke budalla. Po ky qenka budall!
Salianji: Ja pra për ty do votojmë kundër ne. Për ty, e kupton apo jo?!
Gjinushi: Po ik o copë e budallait!
Saliani: Ti shet dhe blen parti…
Gjinushi: Kë parti morë? Ore ti qenke një idiot!
Salianji: Ti je plotësisht se nuk ma lejon etika…
Gjinushi: Copa idiotit.
Salianji: Dhe ne luftojmë kundër teje.
Gjinushi: Ik ore legen! Kujt i flet ti more idiot!
Salianji: Ty!
Gjinushi: A je normal ti, po ku ke fytyre ti more. Ti je një këllirë…
Salianji: Ti je një i palarë dhe del këtu i pavotuar.
Gjinushi: Ore ti do më tregosh mua votën. Po shko ore me atë lulkën tënde.
Salianji: Ore mos ma kthe mua kështu si gangster se ta kthej edhe në mënyrë tjetër…
Gjinushi: Ça do kthesh ti more?! Ja dashka zgjedhje të lira ky. Po rri ore se ti ke qene në pelena.
Salianji: Ti ke qenë komunist…
Gjinushi: Ik rri te çadra me ato budallenjtë…
