Policia e Dibrës është vënë në kërkim të një 17 vjeçareje, e cila gjendej e vetme në një shtëpi që u përfshi nga flakët, në fshatin Guri i zi, të njësisë administrative Arras.
Si pasojë e zjarrit banesa është djegur plotësisht, ndërsa vajza e të zotit të banesës, shtetasja O.T, rreth 17 vjeçe, sipas deklarimeve të komshinjëve në momentin që banesa ka marrë flakë është larguar e friksuar.
Prindërit e saj nuk ndodheshin në fshat, në momentin që ra zjarri dhe vajza ishte e vetme në shtëpi. Sipas policisë zjarrfikësit me ndihmën e banorëve izoluan flakët, por shtëpia është djegur plotësisht dhe vajza 17 vjecare e familjes e cila sipas dëshmive ishte e trembur, është zhdukur.
Shkak për rënien e zjarrit dyshohet të jetë një shkëndijë elektrike. Policia dhe grupi hetimor ndodhen në vendngjarje dhe po vijojnë kontrollin përreth zonës për gjetjen e 17 vjeçares e hetimin për zbardhjen e ngjarjes.
