Të qënit një prind i vetëm në rritjen e fëmijës sigurisht është një rrugëtim i vështirë. Duhet dije, mirëqenie ekonomike, forcë karakteri, dhe shume kohë e vullnet për tju perkushtuar fëmijes e për ta pregatitur atë për jetën. Çdo ditë e jetës së fëmijës përbën një ngjarje të re ku prindi duhet të jetë gjithmonë gati. Jemi mësuar të shohim zakonisht nëna që i rrisin të vegjlit e tyre të vetme shpesh duke punuar disa punë për tu permbushur atyre çdo nevojë. Megjithatë, edhe pse më rrallë, ndodh edhe ndryshe kur një baba bëhet prind dyfish për të voglin e tij. I tillë është portieri i Partzanit Alban Hoxha, një hero tashmë jo vetëm në fushën e lojës për të gjithë fansat, por një hero edhe për Bekon, djalin e tij 2 vjeç e gjysmë që po e rrit me plot përkujdesje dhe dashuri. Kështu kishte qenë e shkruar që bashkëshortja e Albanit, Doriana, me të cilën ishte lidhur që fare i ri, të merte frymën e saj të fundit për shkak të një komplikimi shëndetësor, disa ditë pas lindjes së fëmijës së tyre të parë. Albanit ajo i la pas një dashuri të madhe, një pjesë të sajën, një krijesë të cilës ai do i dedikonte jetën në vazhdim. Sot pas dy viteve, Albani ka ditur të rigjejë forcën e të pranojë fatin e tij të trishtë me Dorianën, por edhe bekimin e tij, Bekon e vogël e të jetë një prind i mirë për të. Albani ka arritur të përjetojë ndjenjën më të madhe të dashurisë përmes të birit. Ditët kalojnë, por vëmendja nuk shkëputet asnjëherë prej djalit i cili duket se ka trashëguar cilësitë më të mira të dy prindërve. Kapiteni i Partizanit njëkohësisht edhe Portier i Kombëtares së Madhe ka rrëfyer gjithçka në një intervistë të dhënë për drejtuesen e emisionit “Jo vetëm modë” Floriana Garo ku tregon jetën e tij me Bekon në mungesë të nënës. Ndiqni për më shumë videon e mëposhtme.
