Një grua ka parë tmerr me sy kur 4 të rinj i kanë hyrë në shtëpi për ta vjedhur. Ngjarja ka ndodhur në fshatin Limar të Këlcyrës. Policia tha se i ka arrestuar autorët.
Ata janë: Ervin Kano 26 vjeç, Ilmi Çaça 19 vjeç, Besjon Liçaj 24 vjeç dhe Anest Meshini 19 vjeç.
Katër të arrestuarit në bashkëpunim me njeri-tjetrin kanë tentuar të vjedhin banesën e shtetases T.K, banuese në fshatin Limar.
Policia thotë se ngjarja ka ndodhur në orët e para të mëngjesit. Ndërkohë gjatë kontrollit të policisë, në stanin e shtetasit Ervin Kano u gjet një armë zjarri model 63, si dhe një krehër me një fishek.
Materialet i kaluan Prokurorisë Rrethit Gjyqësor Përmet për veprat penale “Vjedhje e kryer në bashkëpunim, e mbetur në tentativë” dhe “Prodhim dhe mbajtje pa leje e armëve luftarake dhe municionit”.
