Dy persona kanë ndërruar jetë pasi u sulmuan nga një azilant aziatik që shpërtheu derën e Parlamentit anglez, me një makinë, me të cilën përplasi edhe 10 persona të tjerë.
Dëshmitar në ngjarje ka qenë edhe një shqiptar, i cili ka rrëfyer çastet e tmerrit për JOQ.al. Ai bën me dije se ishte duke u kthyer nga puna në momentin që dëgjoi krisma dhe pa disa njerëz të shtrirë në tokë.
Njëkohësisht tregon edhe atë që i komunikoi një prej policëve vetëm disa minuta pasi kishte ndodhur ngjarja. “Jam i bllokuar në trafik. Është bllokuar Londra krejt. Dëgjova krisma dhe një njeri që ra përtok. Një polic më tha se ishte sulmuar një polic tjetër me thikë. Më thanë që e kanë vrarë agresorin. Isha duke u kthyer nga puna kur ndodhi ky tmerr. Vetëm kaq pashë. Tash po na largojnë”, – rrëfen dëshmitari.
Ndërkaq, mediat britanike shkruajnë se krahas dy personave që kanë ngelur të vrarë (agresori, oficeri i policisë dhe një grua), janë plagosur edhe 10 të tjerë. Autori, identiteti i të cilit nuk është bërë ende me dije, ka tentuar të hyjë në brendësi të Parlamentit ndërsa në dorë mbante një thikë. Ai ka qenë duke lëvizur me makinë dhe ka shtypur 10 persona, por policia e ka ndalur duke e qëlluar.
