Zjarri që ra para dy ditës në katin e nëndheshëm ka djegur tri rafte librash me botime të pas viteve 2000 rezultojnë të dëmtuar nga zjarri që ra ditën e mërkurë në Bibliotekën Kombëtare.
Këto janë të dhënat paraprake, ndërsa priten ende rezultatet e ekspertizës, që do të përcaktojnë përfundimisht shkakun e zjarrit, por edhe shkallën e dëmit në institucionin më të rëndësishëm të librit në Shqipëri. Në vijim të komunikimit me mediat, BK ka ofruar disa të dhëna mbi dëmet e mundshme në katin e tretë nën dhe, ku edhe u evidentua vatra e zjarrit
“Nga të dhënat paraprake rezultojnë të dëmtuara 3 rafte me libra. Një pjesë e tyre janë botime të Fondit të përgjithshëm në gjuhën shqipe, të botuara pas viteve 2000, si dhe botime të Fondit në gjuhë të huaj. Këto janë të dhënat paraprake, por jo përfundimtare dhe të plota. Biblioteka Kombëtare e Shqipërisë është ende në pritje të raportit të ekspertizës”, thuhet në komunikatën për shtyp.
Ashtu si u shpreh edhe në daljen e saj për mediat, ditën e mërkurë, drejtoresha e BK, PersidaAsllani, bëhet fjalë për një pasuri të rikuperueshme. Fatmirësisht, flakët e zjarrit nuk kanë depërtuar në ato hapë- sira ku ruhen vlerat e çmuara të Bibliotekës Kombëtare dhe mbarë trashëgimisë kulturore shqiptare.
“Biblioteka Kombëtare e Shqipërisë thekson edhe një herë që se nuk janë prekur mjediset ku ruhet fondi i vlerave të rralla dhe arkivi shqip, si dhe Baza e Elektronike e të Dhënave Kombëtare të BKSH-së”, thuhet më tej në komunikimin për mediat.
