Kryeministri Edi Rama u shfaq sot në parkun “Rinia” aty ku është ngritur një çadër për mbledhjen e firmave të popullit për Vetingun. Pak metra larg çadrës së protestës së PD-së, ai tha se jam gati të flas për gjithçka me opozitën por ama për qeverinë s’ka negociata.
Qeverinë e ka zgjedh populli dhe do ta çojmë deri në fund mandatin 4 vjeçar, theksoi ai. Ndërsa për vetingun ai tha se do të bëhet me patjeter por nuk u përgji pyetjes nëse do të vazhdojnë procedurat të hënën në parlament pa opozitën.
Prononcimi për mediat i Kryeministrit:
Ne skemi çfarë negociojmë me opozitën por sigurisht kemi çfarë të bisedojmë nëse është vertet e shqetësuar për zgjedhje me standarde. Opozita është e mirëseardhur, jemi gjithë sy e vesh për të parë propozime konkrete realiste që ti fusim me shpejtësi në legjistaliconin e zgjedhjeve.
Ne jemi të gatshëm të dëgjojmë për çdo gjë tjetër pa asnjë lloj problemi por nuk ndryshojmë dot atë që ka vendos sovrani (qeverinë). Pra e ka vendosur populli se kush është në qeveri dhe kush në opozitë. Kjo vendoset një herë në 4 vjet, dhe ky koalicion do ta çojë deri në fund mandatin.
Tani është momenti për të zbatuar ligjin e Vetingut në bazë të Kushtetutës së ndryshuar nga 140 deputetë. PD të mos shpërdorojë mekanizmin e kompromisit të nevojshëm që është shkruar në Kushtetutë, ku qeveria dhe opozita kanë akses të barabartë në anëtarët e komisioneve të ventigut.
Opozita ka detyrimin të mos fshehë kokën përballë këtij detyrimi të madh. Në çadër mund të qendrojë, por vetingun nuk e ndal dot askush. Eshtë domoshdoshmëri historike.
Vetingut i ka ardhur koha pas 20 vitesh pengmarrje, viktima dhe rrënim nga sistemi i drejtësisë.
Do vijoni procedurat të hënën në Parlament pa opozitën?-Kjo ishte pyetja që iu drejtua Ramës disa herë nga gazetarët por nuk dha përgjigje. Ai u shmang duke thënë se “janë kaq shumë shqiptarë që firmosën. Ka një vullnet të madh për reformën në drejtësi. Qendrimet rafraktare të paraardhësit tim (Berishës) nuk kam plan ti përsëris”.
Ndërsa një pyetje tjetër ishte: Për çfarë e ftoni opozitën kur nuk negocioni për qeveri teknike?-Rama u përgjigj: “Opozita mund të kërkojë edhe qeveri inxhinierike, hidraulike, astronomike, janë të drejtat e opozitës, ne jemi gati të ulemi por pa kushte. Bëhet fjalë për dialog, pra flasim ne dhe ata…” /Opinion.al
