Gruaja që lëshoi sharje e fyerje gjatë fjalës së Berishës në çadrën e PD-së, është një militante e PS-së me emrin Eklarina Hoxhaj nga Vlora.
Ajo aktualisht mbahet në Komisariatin nr1 në kryeqytet, për të parandaluar ndonjë përplasje të mundshme mes saj dhe protestuesve të opozitës, të cilët gjatë kohës që ajo fliste me zë të lartë duke lëshuar thirrje kundër kësaj nisme, u acaruan.
Gruaja ka dëshmuar në polici, duke u justifikuar se nuk kishte bërë asgjë të keqe, vetëm tha atë që ndiente.
“Nuk bëra asgjë. Thashë vetëm atë që ndieja; Rroftë Edi Rama. Kjo është bindja ime”, mësohet të jetë shprehur para oficerëve të policisë Eklarina Hoxhaj.
