Kryetari i Kuvendit Ilir Meta, ka folur për qëndrimin e tij lidhur me debatin publik mes Ambasadorit Amerikan Donald Lu dhe Kryeprokurorit të Përgjithshëm Adriatik Llala. Në studion e emisionit “Top Story”, Meta është pyetur mbi faktin se përse ai ka zgjedhur të bëhet palë me Kryeprokurorin në qëndrimin e tij mbi këtë debat.
“Nuk jam palë me askënd, por jam palë me të vërtetën dhe transparencën aq më tepër për një proces që kalon nga kuvendi sic është shorti pë emërimte në drejtësi.
E kam ndjerë për detyrë të bëj një transparencë të procesit dhe të pas procesit duke kërkuar të dhëna shtesë në mënyrë zyrtare nga prokuroria e përgjithshme, të cilat menjëherë janë publikuar në faqen e kuvendit.
Unë akoma pres të shoh nëse ka ndonjë prokuror i Republikës së Shqipërisë është përjashtuar nga e drejta apo mundësia që jep ligji dhe ju do të shihni që do të kem qëndrim tjetër ndaj prokurorit të Përgjithshëm për këtë cështje”, ka pohuar Meta.
Lidhur me emërimet në KED, kreu i Kuvendit është shprehur se kandidatët e prokurorisë ishin të vetmit që plotësonin kriteret sipas ligjit.
Megjithatë Meta është shprehur se lidhur me kete ceshtje nuk eshte perballur me ndonje problematikë tjetër, përpos asaj të bërë publike.
Lidhur me serverin e ILDKPKI-së, Meta ka pohuar se i ka kërkuar Prokurorit të Pëërgjithshëm dhe kreut të ILDKPKI-së të kenë bashkëpunim për hetimet që po bën prokuroria.
Meta ka pohuar se ata kanë patur qëndrime të ndryshme lidhur me kompetencat e Prokurorisë për procesin hetimor dhe raste të caktuara të pretendura nga Prokuroria, por eshte kerkuar të zbatohet vendimi i gjykatës.
Meta ka pohuar nga ana tjetër se reagimet e ambasadorit janë të mirëpritura, por duhet të jenë të mirëargumentuara dhe në bashkëpunim me institucionet vendase.
“Ambasadori, i SHBA-se , ka një vend të veçantë në raportet tona dhe ne e kemi pranuar këtë. Po të ishte ambasador i ndonjë vendi tjetër, qëndrimet e tij mund të ishin shumë më të papranueshme, si nga opinioni publik, ashtu edhe nga institucionet e vendit. Por ne e kemi pranuar këtë marrëdhënie dhe pranojmë edhe kritika. Por asnjë ambasador nuk mund të zëvendësojë institucionet e Shqipërisë”, tha Meta.
