Profesori i gazetarisë dhe analisti i njohur Mark Marku që për 4 vite iu bashkua edhe politikës si deputet i PD-së ka nxjerr disa sekrete të ish-qeverisë Berisha. Sipas tij, ish-ministrja dhe zëdhënësja e Qeverisë Majlinda Bregu i ndalonte deputetët e PD së së asaj kohe të shkonin më mediat e shpallura si armike.
“Është shqetësuese gjendja e medias, por PD-ja dhe Berisha nuk janë për tu lavdëruar për sjelljen ndaj mediave, në kuptimin që ka pas shumë probleme me median. Ta zëmë njëlloj qëndrimi që unë nuk e kam pranuar kurrë dhe që e kam refuzuar, ka qenë bojkotimi i mediave që i konsideronte armiqësore. Unë në mënyrë demostrative, për të reflektuar aderimin tim në botën e mediat edhe duke qenë aty, kam shkuar në të gjitha në mënyrë demostrative, në të gjitha televizionet që konsideroheshin armike.
Majlinda Bregu kishte dhënë urdhër, që sot është “opozitare e madhe”, kishte dhënë urdhër që të mos shkonte asnjë deputet i PD-së as te “Vizion+”, as te “Top Channel”, erdhi një moment që bojkotuan dhe Blendi Fevziun te “Opinion”. Kishin një qasje shumë, shumë perverse, për të sabotu mediat”, u shpreh Mark Marku në emisionin e Eni Vasilit në News 24.
*Më poshtë video
