Pas publikimit të një fotoje në rrjetet sociale ku një tjetër ushtar me uniformë greke bën shqiponjën me duar, ka ardhur reagimi nga ushtria greke.
Sipas një deklarate të Shtabit të Përgjithshëm është identifikuar se kush është ushtari në foto. Sipas shtabit, ushtari nuk është me origjinë shqiptare por nga Qipro.
“Ushtari është identifikuar dhe ka shërbyer në ELDYK dhe do të ndiqen të njëjtat procedura si në rastin e 7 ushtarëve të Mesologjit”, deklaruan përfaqësues të Shtabit të Përgjithshëm.
Fotoja e ushtarëve me origjinë shqiptare solli një reagim të ashpër nga Athina zyrtare që kërkoi marrjen e masave të menjëhershme dhe dënimin e rekrutëve. Por reagime pati edhe nga pala shqiptare. Por me sa duket fotoja e postuar së fundmi e ushtarit grek do të sjellë të tjera reagime.
