Nga Meri Dishnica –
Jeta moderne mund të jetë stresuese. Shumë njerëz gjatë përditshmërisë së tyre, përballen me stresin, problemet e karrierës, depresionin, ankthin, dhe problemet në një marrëdhënie. Për të ulur ndikimin e këtyre faktorëve, dhe për të mos lejuar që ata të kompromentojnë produktivitetin dhe të ulin performancën, është i nevojshëm konsultimi me shërbimin psikologjik.
Shumë njerëz kanë një mendim të gabuar për psikologun, duke e ngatëruar shpesh me psikiatrin, dhe me problemet e rënda mendore që ata trajtojnë. Në fakt psikologu i këshillimit ndihmon individet dhe grupet të përballojnë problemet emocionale dhe sjellore në faza të ndryshme të jetës.
Psikologu përvecse dëgjon shqetësimet e “pacientit”, ai i instrukton me disa teknika që ata mund ti perdorin për tu përballur “denjësisht” me probleme të tipit (si të menaxhojnë stresin, si të përshtaten me ndyshimet në jetën e tyre, si të jetojnë një jetë normale duke përmirësuar një marrëdhënie, etj).
Terapia është e përshtatshme për fëmijët, adoleshentët, dhe të rriturit. Psikologu i këshillimit vlerëson situatën aktuale të pacientit, dhe më pas e orienton atë të gjejë dhe të përshtasë zgjedhjet më të mira për të. Terapisti nuk jep zgjidhje, por ai të ndihmon të arrish vetë tek zgjidhjet.
Në fakt, njerëzit e suksesshëm e kanë “përqafuar” terapinë, dhe e përdorin në fokusin e rritjes së potencialit personal. Është diçka që secili prej nesh duhet ta bëjë në një periudhë të caktuar të jetës.
*Autorja është Psikologe Keshillimi
