Mjeku dhe politikani Tritan Shehu përgënjeshtroi deklaratën e djeshme të kryeministrit Edi Rama se nga skema e rimbursimit të ilaçeve do të përfitojnë edhe shqiptarët që nuk janë të siguruar. Sipas Kryeministrit janë plot 600 mijë vetë që përfitojnë përmes një skemë të re që mundëson qeveria, por Shehu thotë se janë vetëm 200 mijë.
Duke marrë në analizë shifrat, Tritan Shehu tha se Rama ka gënjyer.
“Për të sqaruar opinionin mund të shikojmë disa llogaritje të thjeshta: Në mënyrë aktive, në skemen e sigurimeve shendetësore janë reth 1 205 000 vetë. Në menyre pasive, në skemë jane reth 1 400 000 vetë, ku hyjnë pensionistet, nxënësit e studentet, femijet, ata në kërkim të punes, familjet me ndihme ekonomike, personat me aftësi të kufizuar, etj. Pra, të gjitha këto kategori shkojnë në mbi 2 600 000 persona”, tha Shehu i cili drejton departamentin e shëndetësisë në PD.
Më tej argumenton: “Me sa dimë ne, Shqiperia ka reth 2 800 000 banore. Atehere pyetja jone eshte, nga dolen keta 600 000 persona qe flet Rama?” Sipas tij, kjo nuk është asgjë tjetër veçse një spekulim.
Shehu tha se diferenca prej rreth 200 000 personash të pasiguruar përbehet kryesisht nga të vetepunesuarit, që duhet të behen pjese e skemes aktive, ose nga ata që punojne ne te “zeze” dhe që duhen formalizuar.
“Vendimi i djeshëm jo vetem qe eshte nje spekullim, por gjithashtu nxit aktivitetin informal si dhe ben qe edhe personat qe kontribuojne ne kete skeme te fillojne te mos e bejne kete, duke futur keshtu te gjithe sistemin ne kolaps. Një vendim ky, që duke kërkuar të maskoje deshtimin e “shendetesisë falas”, mund të shtyje të gjithe skemen tone të finacimit shendetësor drejt humnerës”, përfundoi Shehu, duke shtuar se zgjedhjet janë afër dhe kjo qeveri duhet larguar me votë.
