Një rast flagrant i vjedhjes së depozitave të klientëve në bankë është denoncuar mbrëmë në emisionin investigativ “Stop”. Në qendër të skandalit është ish-drejtori i ‘Tirana Bank’, Altin Jaku, sot sekretar i përgjithshëm i Prefekturës së Lezhës, emëruar nga PS-ja. Madje për disa muaj ai ka mbajtur edhe detyrën e Prefektit, si i komanduar, shkruan Opinion.al.
Altin Jaku është nën hetim nga prokuroria pasi është denoncuar nga një qytetar se në vitin 2013 ka vjedhur kursimet në shumën e 150 milionë lekëve (të vjetra) në llogarinë bankare në ‘Tirana Bank’. Përmes falsifikimit të firmave ai ka bërë kalimin e parave në disa numra llogarish, ku njëra prej tyre është e të fejuarës së tij, Inida Kruja.
Edhe pse ka 4 vite që Altin Baruti ka denoncuar vjedhjen e parave në bankë ai nuk ka gjetur zgjidhje. Prokuroria e Lezhës ka zvarritur hetimet për këtë ngjarje, ndaj personi i prekur nga kjo vjedhje galopante në bankë iu drejtua emisionit “Stop”.
Përmes kamerave të fshehta, shihet se ish-drejtori i bankës tani zyrtar në shtet, Altin Jaku e pranon fajin, por kërkon që të mos dënohet, por të lidhë akt-marrëveshje me denoncuesin, pra ti njohë borxhin.
Lexoni të plotë historinë e vjedhjes së llogarisë bankare që u denoncua një natë më parë në “Stop”.Si u zhduken kursimet e emigrantit ne Tirana Bank
/Opinion.al
