Ashtu sikurse çdo fundjavë, edhe këtë të diel, kryeministri Rama ka komunikuar përmes llogarisë së tij në Facebook me qytetarët. Ai shprehu qëndrimin e tij lidhur me problemet që shqetësojnë sot njerëzit, si hashashi, varfëria, papunësinë, etj. Sipas tij po këto probleme kanë ekzistuar edhe tre vjet më parë.
Rama duke folur për akuzat e opozitës, thotë se ajo e trajton popullit “më keq se një kope delesh”, duke referuar kërkesës së PD-së për votimin elektronik.
Kryeministri u shpreh se me këtë kërkesë opozita po kërkon të heqë përgjegjësinë nga humbja e zgjedhjeve më 18 qershor.
“Realiteti sot nuk është rozë, ka luftë të madhe në çdo fushë… Dallim mes nesh dhe opozitës ishte i qartë në qeshorin e vitit 2013 dhe është edhe më i qartë sot”, u shpreh Rama.
“Fakti që ne pranojmë se nuk jemi të përsosur por kemi të meta. Me siguri kemi bërë gabime në tërë këtë punë të madhe. Por, kjo nuk e bën qeverinë e vjetër më të votueshëm se sa dje, por na bën ne më të besueshëm se sa dje”.
Duke folur për kushtin e opozitës për votimin elektronik, Rama tha edhe pse kjo është e qartë se është alibi për PD-në, mazhoranca nuk ia ka përplasur derën në fytyrë.
Rama tha se mjafton që OSBE/ODIHR të miratojnë një plan konkret për zbatimin e votimit elektronik, PS do ta pranojë menjëherë.
Kreu i qeverisë në fund dha edhe një këshillë për opozitës, duke e ftuar të kthehet në realitet dhe të heqë dorë nga alibitë pasi do t’i bënte më mirë Shqipërisë dhe do të sfidonte qeverinë.
