Fatime Vata, mësuesja që u kap mbrëmë nga kamera e fshehtë e “Stop” duke dhunuar psikologjikisht dhe fizikisht nxënësit e klasës së parë është marrë në pyetje sot nga komisariati nr. 3. Burime nga policia thanë për Opinion.al se mësuesja ka qendruar për afro 30 minuta në komisariat dhe është shprehur e penduar.
Siç sqaruan burimet, ajo nuk do të ndiqet penalisht, pasi prokuroria nuk ka ngritur akuzë ndaj saj. Po kështu as prindërit e nxënësve që kanë denoncuar në “Stop” nuk kanë bërë denoncim në polici. Mësuesja është pyetur rreth këtij momenti të shfaqur në video dhe ka thënë se “ka qenë një moment lodhje për të, ku situata i kishte dalë nga kontrolli”. Ndërkohë Ministria e Arsimit ende nuk ka reaguar për skandalin në shkollën 9-vjeçare të Laprakës “Skender Luarasi”.
Bashkëngjitur kamera e fshehtë e “Stop”, ku nxënësi regjistron mësuesen teksa flet me fjalor rruge në klasë dhe dhunon psikologjikisht dhe fizikisht fëmijët 6 dhe 7 vjeç të klasës së parë. /Opinion.al
