Foto-detajet/ Çfarë nuk shkoi tek sfilata e Bora Kokëdhimës?

Mbrëmjen e djeshme në “The Plaza Hotel”, stilistja Bora Kokëdhima ka prezantuar koleksionin e saj të ri, në prezencën e personazheve të njohura të showbizzit.

Ndonëse Bora u përpoq që ta shndërrojë natën e djeshme në diçka vezulluese, duket se ajo dështoi, shkruan opinion.al.

Dështoi që nga veshja e saj e deri tek të ftuarit të pakët. Shohim më poshtë detajet që shumë mund të mos kenë vënë re në fotot e publikuara nga VIP-at.

TË FTUARIT

Në mbrëmjen e Bora Kokëshimës, u vu re një numër i ulët të ftuarish. Madje ata që ishin prezentë nuk ishin emra “BIG” të showbizzit.

Në video të publikuara nga të pranishmit duken karrige të boshatisura, gjë që tregon se nuk ka qenë i qëllimshme numri i pakët i të ftuarve.

Kujtojmë së një ditë më parë, po në të njëjtën sallë u zhvillua prezantimi i koleksionit të ri të fustaneve të nuseve të “Frida&Xhoi”.  Pra Kokëdhima ka dështuar në zgjedhjen e datës së përshtatshme për sfilatën.

I adhuroj ditet me mbidoza mode!!dje ishte nje tjeter dite nga ato..faleminderit publikut qe me ndjek dhe mbeshtet edhe se jam shume ndryshe. faleminderit stafit tim qe duron ore te gjata pune, pranon sfida te forta ne c’do koleksion dhe i perballon ato me sukses apsolut! Faleminderit nenes sime Brixhid qe me ka shtyre me kokefortesi dhe vendosmeri drejt talentit tim! Falenderoj partnerin tim, Olsin, qe duron; jo! dashuron, gjithe prapakuinten e jetes sime, qe emocionohet dhe lufton per mua, qe me perkedhel tutje c’do dhimbje e sakrifice! Faleminderit zonjave dhe zonjushave qe me kane zgjedhur, do vazhdoj te bej maksimumin per ju, sic ju beni maksimumin per mua! Faleminderit miqve te biznesit qe mbeshtesin artin tim me suportin e tyre. “EUROSIG” ka ber te mundur realizimin e “THE SAVAGE”! Desheroj te falenderoj drejtperdrejt zotin Kadri Morina dhe zonjen e tij sharmante!!! S’kam c’ti falenderoj ketij shteti qe s’na ka mbeshtetur KURRE, jo neve po asnje artist Shqipetar pervec atisto-politikaneve.Faleminderit medias shqipetare qe edhe se ka gabuar disa here per personin tim, te shumten e rasteve me ka mbeshtetur pa asnje interes! Falenderoj fansat e mi qe s’kane pankarta e zhgarravina per te me shprehur mbeshtetjen e tyre, po kane taka te larta , komente me mend dhe vend, dhe dashuri per te bukuren! Bora ju do shume! Sfida ime e rradhes eshte Polimoda! Do iki ne europe te mar specializime te metejshme, te behem edhe me e zonja dhe e para designer nga Shqiperia, ne pasarelat europiane! Mos me lini vetem ne kete sfide te re! Ju premtoj, do ja dal edhe kete here!

A video posted by Bora Kokedhima (@savagekokedhima) on Dec 5, 2016 at 1:54am PST

VESHJET E SFILATËS

Një prej veshjeve që u prezantuan në koleksion “THE SAVAGE by BOKOKO” ishte pikërisht ajo që Eneda Tarifa ka veshur në klipin e këngës që përfaqësoi Shqipërinë në Eurovision.

Klipi është publikuar plotë tetë muaj më parë gjë që tregon se veshjet e Borës po riciklohen nga njëri sezon në tjetrin.

VESHJA E BORËS

Në raste të tilla, stilistja është qendra e vëmendjes dhe për këtë veshja e saj duhet të jetë detaji që bie në sy.

Bora zgjodhi të vishte pantallona dhe bluzë të kuqe në copën e kadifes së butë si në foton e mëposhtme.

Mirëpo diçka nuk shkon me këtë paraqitje. Që në pamje të parë ajo të kujton zgjedhjen e Elvana Gjatës në mbrëmjen private ku prezantoi koleksionin e ri të  Altar. Vetëm se ajo ishte në ngjyrë blu me të bardhë.

Pra veshja e Borës, që supozohej të ishte detaji më i rëndësishëm i mbrëmjen, dështoi!

A ËSHTË BORA SHTATËZANË?

Ishte pikërisht veshja e mësipërme që ngriti aludime lidhur me një shtatëzani të mundshme të këngëtares Elvana Gjata. Prerja e bluzës është shumë e përshtatshme për të fshehur barkun në muajt e parë të shtatëzanisë.

Por Bora çfarë ka dashur të fshehë? Në foton e mëposhtme duket qartë që barku i saj është i fryrë, ose për shkak të shtatëzanisë ose për shkak të disa kileve të shtuara.

Kujtojmë se gjatë muajit shtator Bora shpalli fejesën me të dashurin e saj në një ceremoni ku ishin të ftuar familjarë të afërt. /Përgatiti: opinion.al