Dita e dielë ka kaluar pa lënë gjurmë për legjionarët shqiptarë në paraqitjet me skuadrat e tyre nëpër Europë.
Terek Grozni i Balajt dhe Roshit u mposht në transfertë në javën e 17 të Premier Ligës ruse përballë Lokomotivës së Moskës me rezultatin 20. Sulmuesi shkodran u aktivizua për 90 minuta të plota, ndërsa mesfushori fierak e nisi ndeshjen si titullar por u zëvendësua në minutën e 62 të.
Entonio Elezaj u rikthye në stol për Peruxhian në takimin e vlefshëm për javën e 17 të Serisë B në transfertë përballë Veronës, i cili përfundoi me shifrat 22. Paraqitja e mirë gjatë aktivizimit në Kupë nuk i ka siguruar talentit shqiptar ende vendin e titullarit në ndeshjet e kampionatit.
Ndërkohë Ermir Lenjani vazhdon të vuajë një dëmtim duke mbetur jashtë skuadrës së tij, Rene, në takimin e fituar 20 në shtëpi ndaj St. Etien, ndeshje e vlefshme për javën e 16 të Ligës 1 franceze.
Valdet Rama është aktivizuar në minutën e 75të në takimin që skuadra e tij, Vurzburger, barazoi 00 në shtëpi përballë Dyseldorfit, një ndeshje e vlefshme për javën e 15 të Bundesligës së dytë gjermane.
