Më pak se një muaj pas fitores, Donald Trump është drejt krijimit të kabinetit të tij. Takimi i fundit me Mitt Romney për postin e Sekretarit te Shtetit dhe Reince Priebus, i cili është emëruar si shefi i personelit i Shtëpisë së Bardhë, janë vetëm dy emrat e fundit që i shtohen listës së miliardereve të administratës Trump. Emrat e zgjedhur nga Trump vijnë me llogari bankare marramendëse në administratën që deri tani drejtohet nga klasa e mesme e shoqërisë amerikane, nën administratën Obama.
Wilbur Ross, i cili është kandidati për të drejtuar Departamentin e Tregtisë vlerësohet të këtë një pasuri prej 2.9 miliardë dollarësh.
Elaine Chao, kandidatja për Departamentin e Transportit zotëron një pasuri prej 37 milionë dollarësh, ndërsa në krye të Departamentit amerikan të thesarit është propozuar Steve Mnuchin me një pasuri prej 40 milionë dollarë.
Departamenti i Shëndetësisë pritet të drejtohet nga Tom Price, i cili ka një pasuri prej 13.6 milionë dollarë.
Përveç të qenit milionerë, emrat e me sipërm kanë edhe një ngjashmëri tjetër, ata ndajnë të njëjtat qëndrime kundër të drejtave të komunitetit LGBT.
Të gjithë kandidaturat e propozuara për kabinetin e ri duhet të miratohen nga senati.
Tv Klan
