Një foshnje vetëm 8 muajshe, i shpëtoi për mrekulli një aksidenti të rëndë.Fotot tregojnë se si është shkatërruar makina ku udhëtonte vajza me prindërit. Një kamion goditi makinën në autostradë në Texarkana, Arkansas (SHBA). Kur mbërriti policia dhe zjarrfikëset arritën të nxirrnin prindërit, por foshnja nuk po gjendej, shkruan Opinion.al.
Ekipet e shpëtimit u shpërndanë në gjithë zonën, dhe kur shpresat po shuheshin njëri nga zjarrfikësit ka dëgjuar një zë fëmije. Ata kanë kërkuar në zonën e gjelbëruar mes dy pjesëve të autostradës, por asgjë nuk dukej…
Për habi të tyre, foshnja kishte flutuar disa metra larg vendit të aksidentit dhe kishte rënë brenda në pusetë. “Ishte errësirë dhe puseta ishte e mbuluar nga bari. Kur u afruam pamë me elektrik se foshnja ishte pikërisht në këtë pusetë. Ishte ulur dhe po priste…”, shprehet njëri nga zjarrfikësit që mori pjesë në këtë operacion shpëtimi të pazakontë. “Foshnja nuk kishte pësuar asgjë, përpos një gervishtje në ballë”, thotë i emocionuar një tjetër zjarrfikëses. Kësaj i thonë të lindësh për së dyti!
/Marrë nga CNN, përshtati Opinion.al
