Klubi të Kukësit së fundmi i janë dhuruar donacione nga tifozët e tij. Nëpërmjet një njoftimi për shtyp ka bërë të ditur sot se tre mbështetës nga Londra, kanë vendosur që t’i dhuronin 800 euro, ndërsa ftonte që edhe të tjerë të ndiqnin shembullin e tyre
“Sukseset e klubit të F.K. Kukësit nuk kanë mbetur vetëm brenda kufijve, pasi skuadra verilindore ka tifozë dhe dashamirës edhe në Angli, konkretisht në Londër. Tre nga tifozët e zjarrtë të Kukësit kanë shkuar edhe më tej me mbështetjen e klubit duke kontribuar edhe me ndihma financiare. Halil Karanxha, Qerim Halili dhe Nuri (Baci) Muçmata kanë derdhur në llogarinë e klubit një shifër prej 800 eurosh. Klubi i Kukësit tashmë gjen mbështetje edhe nga jashtë vendit për realizimin e objektivave. Skuadra verilindore falënderon këta tifozë dhe fton edhe të tjerët të ndjekin rrugën e tyre”, thuhet në njoftimin e publikuar në internet nga Kukësi.
