Policia e Fierit ka shoqëruar disa persona për zbardhjen e vrasjes së Nelgert Patës mesditën e djeshme në Fier. Personat e pyetur nga policia janë të njohur të viktimës, dhe ditët e fundit janë parë në shoqërinë e tij.
Viktima po qendronte në një hotel në rrugën Fier-Seman. Ndërsa i plagosuri ka treguar se nuk e njihte viktimën, por ishte thjesht shofer i tij.
Ndërsa në rrugë janë 4 kamera të bizneseve, por vetëm njëra prej tyre ka filmuar makinën e autorëve që mund të ndihmojë hetimet.
Duket se autorët e kanë ndjekur dhe kanë kontrolluar lëvizjet e tij dhe i kanë zënë pritë 100 metra larg nga hoteli.
Nga hetimet paraprake mendohet se ai ekzekutuar me dy kallashnikovë të përdorur nga dy personat që ndodheshin në automjetin Benz që u gjet i djegur. Viktima ishte pjesë e bandës së Jani Aliajt, autor i dyshuar për vrasjen e Elton Çiços tek lokal “De Niro” në zonën e Bllokut.
