Një derbi është gjithmonë një derbi, edhe pse kampionati spanjoll ka edhe 27 javë për të përfunduar. Atletico Madrid jo gjithmonë ka dalë kokëposhtë nga ky rivalitet shumëvjeçar me “galaktikët” e Madridit. Një parti e madhe që të arrijë me dyshime dhe me borxhe të papaguara. “Colchoneros” kanë llogari të jashtëzakonshme të hapura me rivalët e të njëjtit qytet, që nga ballafaqimi i fundit në Milano, për finale e Ligës së Kampioneve. Të dyja skuadrat vijnë me respekt për kundërshtarin, sepse në të tilla përplasje snjëherë nuk i dihet si merr loja.
Eshtë një derbi për t’i thënë “lamtumirë CALDERON”, sepse do të jetë i fundit që luhet në stadiumin legjendar , që do të mbyllet. Një tjetër derbi, në të cilin statistikat dhe leksionet e historisë të shërbejnë vetëm për t’u karikuar, jo për të pasur ndonjë siguri të madhe. Në fushë gjithçka harrohet dhe të gjithë duan të shkruajnë historinë e vet, aktualen. Dhe sot fillon një kapitull tjetër në një derbi të vetëm. Simeone i ka të gjitha “armët” e tij në dispozicion, por dyshon nëse duhet të mbrohet karshi Real Madridit, apo t’i përgjigjet me të njëjtën monedhë.
Griezmann ka siguruar pjesëmarrjen, teksa do të jetë në repartin e përparmë bashkë me Sauli dhe Gaitan. Çdo gjë rrotullohet rreth pozicionit të një lojtari, Koke, në mesfushë. Në kahun tjetër, Zidane ka edhe një dilemë: Benzema nga fillimi, apo jo? Kjo për shkak se trajneri francez mendojnë se pa atë në formacion skuadra fiton më shumë ekuilibër. Kuptohet, me një mesfushor më shumë. Çdo gjë tregon se Lucas Vázquez do të jetë zëvendësuesi i tij. Risia është, pa dyshim, një mesfushë e paparë, me Modric, Kovacic dhe Isco.
