“Tifozat Kuq e Zi” nuk do marrin pjesë në ndeshjet e radhes të kombëtares së futbollit për shkak të një trajtimi skandaloz nga ana e autoriteteve shqiptare në stadium apo jashtë tij.
Me anë të një njofitimi të publikuar në faqen e tyre në internet, tifogrupi i “Tifozave Kuq e Zi” kanë bërë të qartë se për arsye të trajtimit absurd që u bëjnë autoritet shqiptare, kanë vendosur të bojkotojnë ndeshjet në vendin tonë.
Ndërsa, kanë theksuar se do të vazhdojnë të mbështesin ekpin në takimet jashtë vendit, aty ku dhe respektohen.
Komunikata e plotë:
“Të nderuar tifozë,
Ajo që ndodhi në ndeshjen Shqipëri – Izrael, nuk kishte të bënte asgjë me lojën e bukur të futbollit. Atë ditë, tifozët shqiptarë prezent në stadium (dhe jo vetëm) ishin viktimë e terrorit shtetëror. Andaj, përshkrimi apo prezantimi i çfarëdo fakti, nuk mund ta përshkruan terrorin që tifozët shqiptar përjetuan nga policia e shtetit shqiptar. Ne jemi tifozë, që e dojmë këtë Kombëtare dhe këtë Shqipëri.
Për arsyen e lartcekur, Tifozat Kuq e Zi, kemi marrë vendim të BOJKOTOJMË të gjitha ndeshjet e radhës brenda, përfshirë këtu edhe ndeshjen me Lihtenshtajnin. Kombëtarën do ta përcjellim vetëm në transferta, atje ku na respektojne.
Me këtë rast, ftojmë policinë e shtetit shqiptar, që të pajisur me kallashnikov dhe me armë tjera, të bëjë tifozin në tribunë.
Për veprimet dhe format e organizimeve tona të radhës, do të ju njoftojmë me kohë.
Me sinqeritet,
Tifozat Kuq e Zi”.
Foto:
