“Po the emrin tim të çava në dysh”
Kjo ndërhyrje gjatë mbledhjes së disa dëshmive mbi bulizmin është prova më e mirë se ky fenomen është shqetësues në shkollat 9 – vjeçare.
“E bëjnë me të gjithë.”
Si ndihen shokët?
“Keq.”
Është e pamundur të realizosh intervistat.
Raportet tregojnë se 13 % e 11 – vjeçarëve janë pre e bulizmit. Për psikologët, janë prindërit dhe shkollat ata që duhet të merren me parandalimin e fenomenit.
“Shumë nxënës nuk e dinë se çfarë është bulizmi”, shprehet psikologia Orjola Pampuri, ndërsa shton: “Nuk e kuptojnë sepse ndonjëherë dhunën e shpjegojnë ose e përkthejnë thjeshtë dhunë fizike. Dhe nëse nuk preken fizikisht, ata nuk janë të dhunuar.”
Talljet që vijnë nga bashkëmoshatarët janë nga më të ndryshmet, duke i bërë personat e sulmuar të ndihen keq.
A ka ndodhur ndonjëherë të vesh në lojë apo të tallësh vazhdimisht shokët?
“Po.”
Shqetësimi që ngrenë psikologët janë pasojat në të ardhmen, për ata që bien pre e këtij agresiviteti.
“Është periudha më e rëndësishme për të dhe nëse ai do të dhunohet, ai do të tërhiqet, ai do të ketë vetëvlerësim e vetëbesim të ulët, vetësiguri po prap të ulët.”
Raportet tregojnë se 4 nga 10 fëmijë të moshës 11 – 15 vjeç fyhen, dhunohen dhe persekutohen nga moshatarët apo pak më të rriturit, në ambientet e shkollës.
Tv Klan
