Dy aksidente automobilistike ndodhën mbrëmjen e djeshme në Lushnje, në një kohë të aferme me njëri-tjetrin. Njëri në aksin rrugor Pushim Shoferit-Krutje ku një makinë tip “Ford” ka përplasur nga pas një karrocë të ngarkuar me barë duke përfundur në kanal. Si pasojë e këtij aksidenti ka mbetur i plagosur shtetasi Perikli Kadillari 47 vjeç.
Sipas policisë, shkak i aksidentit ka qenë shpejtësia e lartë e automjeti dhe errësira në rrugë, gjë që ka sjellë mosvënien re nga drejtuesi i mjetit karrocën e ngarkuar me barë.
Ndërsa aksidenti tjetër ka ndodhur në autostradën Lushnjë-Fier, pranë fshatit Lumth. Një motorçikletë ku udhëtonin dy persona ka goditur shtetasin Aleks Allkanjari, 79 vjeç nga fshati Lumth duke i shkaktuar plagë të rënda.
Sipas informacioneve paraprake, mësohet se 79-vjeçari ka kaluar trafikndarësin duke i prerë rrugën drejtuesit të motorçikletës. Të dy të plagosurit ndodhen në spitalin e Lushnjës në gjendje të rëndë për jetën.
