Një ngjarje tejet e rëndë ka ndodhur në Lezhë disa muaj më parë, por është mbajtur larg mediave. Tri motra me çrregullime mendore në Lezhë kanë rënë pre e abuzimeve seksuale. Ato sot mund të bëhen dhe viktima të trafikimit. Kjo ngjarje tronditëse u tha në një tryezë të organizuar në kuadër të muajit të ndërgjegjësimit të antitrafikimit të qenieve njerëzore.
Deri pak muaj më parë tre motrat kanë qenë pjesë e qendrës ditore në Lezhë, por janë larguar nga aty duke mbetur braktisur rrugëve të qytetit. Edhe nëna e tyre është e sëmure mendore. Në këtë tryeze kanë qenë edhe përfaqësues të pushtetit lokal, si sekretari i Përgjithshëm i Prefekturës, punonjës të Bashkisë Lezhë dhe të Shërbimit Social. Ata kanë premtuar zgjidhje për këtë familje.
