Një vajzë ka raportuar pranë redaksisë së Jetaoshqef “ofertën tunduese” që i është bërë nga një e njohura e saj. Ajo është 21vjeçe nga Tirana dhe është njohur me një vajzë në fakultet.
Por, pas tre vitesh ajo insiston që ta takojë. Vajza pretendon se ka një ofertë të mirë për të dhe e prezanton me shoqen e saj.
Kjo e fundit tenton ta mashtrojë pasi i thotë se do ta njohë me një djalë, por në fakt insistimi i saj s’ka të bëjë vetëm me njohjen, por me trafikimin e 21vjeçares.
“Ti do i bësh qefin vetes tate në radhë të parë pastaj bëhet fjalë për në Gjermani të ikësh. Nejse s’bëhen këtu këto muhabete. Po e kupton shpirt ku është muhabeti apo jo? Thuj të shpisë që ke gjet punë babysitter”, shkruan vajza që po mundohet ta trafikojë në përpjekje për t’i mbushur mendjen.
