Deputeti Erjon Braçe e ka ndjekur me vëmendje ndeshjen e sotme dhe menjëherë pas përfundimit të saj ai ka publikuar edhe listën e vërejtjeve për trajnerin e kombëtarës.
Sipas tij, ndaj një ekipi si Spanja nuk mund të rreshtosh para portierit vetëm tre mbrojtësa, por duket të bësh skemën e njohur me termin “autobus”.
Për më tepër ai ka fajësuar edhe mesfushën e konkretisht Hysaj i cili sipas tij jo vetëm që nuk ka mbrojtur atëherë nuk duhet, por edhe ka gabuar duke i falur golin e dytë spanjollëve.
Nga ana tjetër ai është “lumturuar” me fitoren e Italisë, pasi njihet tashmë pasioni i tij për këtë kombëtare. Ja postimi i tij:
Humbem!
E mertuam!
Gjithcka e zakonshme; vetem Spanja eshte e jashtezakonshme si e zakonshme!
Skam cthem per Spanjen, fare!
Por ne nuk beme ate qe thame;
Jo se Spanja na dominoi-dominoi Italine ne Torino;
Jo se Spanja na presoi aq fort sa na detyroi te gabonim dy here-gaboi Italia ne Torino dhe pesoi;
Por sepse ne nuk mbrojtem-sic thame!
Nuk mund te mbrohesh vetem me tre mbrojtes-super Mavraj e Chimshiti, Agollin.
Hysaj nuk mbrojti, perkundrazi gaboi dhe na ndeshkoi.
Mesfusha nuk mbrojti asnjehere dhe, mua mu duk se u zgjodh gabim me Xhaken, Lilen e Memushajn, jashte roli dhe pa gjendje; Lila mund ta bej ate rol me Janinen, jo me Spanjen, Memushaj ishte i demtuar, Xhaka nuk eshte ne gjendjen e Kukelit dhe Abrashit dhe gaboi e na ndeshkoi!!
Ta perballesh Spanjen me portierin dhe tre mbrojtes, nuk eshte “autobus”.
Thjeshte,
Duhet te ishim mbrojtur, nuk e beme!!
E megjithate;
Pune e madhe, ne nuk e kemi garen me Spanjen!
Te mundim Izraelin, kaq!
