Ina dhe Armonela Qama mbahen në burg pasi akuzohen se kanë shfrytëzuar për prostitucion dy nëna të reja. Ato u arrestuan në Morinë para një jave bashkë me Ledian Gjonin dhe Ardit Shmilin. Duke iu referuar burimeve në prokurori, gazeta Shqiptarja.com shkruan sot se “ato kanë shfrytëzuar dy gra në moshë të re (nëna me fëmijë të vegjël) të cilat ishin në kushte të vështira ekonomike.
Dy gratë e shfrytëzuara si prostituta kanë punuar në lokale me muzikë tallava në Tiranë dhe Fier.
“Ato janë përdorur si prostituta për disa muaj, ndërsa planifikohej nga katër personat e arrestuar që ti trafikonin jashtë shtetit, dhe më konkretisht në Kosovë me qëllim sigurimin e përfitimeve më të mëdha”, thuhet më tej.
Motrat u mbrojtën duke thënë se ato nuk i kanë shfrytëzuar gratë, vetëm i kanë ndihmuar, pasi ato vetë u ishin drejtuar për punë.
