Performanca e deputetit Nard Ndoka dhe këngëtares Greta Koçi, të cilët kërcyen nën tingujt e muzikës latine mbrëmjen e djeshme në “Dance with me”, nuk shkoi pa u kritikuar nga pjesëtari kontrovers i jurisë, Robert Aliaj.
Aliaj kërkoi që Ndoka herën tjetër të dilte me tanga në skenë përndryshe nuk do jepte notë tjetër përveçse katër.
“Tangat edhe thonjtë janë për ty”, iu përgjigj me ironi Ndoka, Aliajt. Teksa Alketa Vejsiu tha se Nardi është një politikan dhe përfaqësues i popullit në Parlament dhe nuk mund t’i shkelë këto vija, edhe Albi Nako, kryetar i jurisë tha: Nardi do dalë me tanga këtu, kur Robert Aliaj të bëjë pompa pa duar para të gjithëve këtu”.
