“Detyrim paraqitje” është masa e sigurisë e caktuar nga gjykata ndaj dy mjekëve të maternitetit “Koço Gliozheni”. Ndërsa prokuroria kishte kërkuar arrest me burg me afat 45 ditë.
Mjekët obstetër-gjinekologë, Helidon Klosi dhe Dritan Deçka akuzon nga prokuroria për mjekim të pakujdesshëm. Ata u arrestuan mbrëmjen e së shtunës, 17 shtator, një ditë pasi në maternitet vdiq gruaja shtatzënë, Aida Çajka bashkë me foshnjën që priste të sillte në jetë.
Gjykata vendosi që mjekët të hetohen në gjendje të lirë dhe të paraqiten në organet e drejtësisë vetëm kur të thirren nga hetuesit e ngjarjes. Gjithashtu gjykata nuk u ka hequr të drejtën e ushtrimit të profesionit, pra mjekut do të kthehet në maternitet.
Mjekët kanë treguar në gjykatë se nuk kanë patur mundësi të bëjnë më shumë për diagnostikimin e 35 vjeçares, pasi nuk kanë pajisjet e duhura dhe as mjekë specialistë.
Helidon Klosi dhe Dritan Deçka dolën para togave të zeza me bluza të bardha, ndërsa vendimi u prit jashtë nga disa staf mjekësor që kishin shkuar në gjykatë në shenjë solidariteti me kolegët. /Opinion.al
