Gazetari, Mentor Kikia i është kundërvënë mjekes së njohur Anika Dokle e cila mban çdo ditë qendrime për çështje të caktuara të jetës politike e sociale në vend. Një ditë më parë, Dokle do të shkruante se duhet hetuar thellësisht vdekja e gruas shtatzënë pasi nuk është vetëm faji i mjekëve.
Ndërsa, gazetari i përgjigjet mjekes moraliste Anika Dokle, duke i kujtuar se nuk ka gojë të flasë pasi hyn te ata mjek që merr para për lindjet dhe ndërhyrjet kirurgjikale në maternitetin “Koço Gliozheni”.
Shkrimi i Mentor Kikisë
Kam ndjekur këto dy ditë zemërimin e shumë njerëzve kundër mjekëve në maternitetin “Koço Glozheni” për shkak të vdekjes së një një gruaje shtatzënë. Mes atyre të zemëruarve ishte edhe një mjeke e këtij spitali, një grua rrebele dhe kritike agresive e qeverisë, Anika Dokle.
E kam vlerësuar për kurajën për të thënë të vërtetën me zë të fortë, shpesh edhe pa edukatë, ashtus siç e meritojnë edhe njerëzit dhe koha në të cilën po jetojmë.
Por më lë një shije shumë të hidhur kur lexoj rebelimin e kësaj mjekeje.
Pak ditë më parë një njeriu im i dha 200 mijë lekë (të vjetra) për një operacion të thjeshtë të nënës.
Më pyeti mua për mend: Ti them për para apo jo?
-Jo, i thashë.
-Nuk mund të të marrë para ajo. Por meqe e ke merak, thuaja sa për procedurë.
Dhe kjo mjekja e bëri procedurën, ia mori paratë edhe duke i numëruar.
Tani ne e dimë se të gjithë bëjnë kështu.
Por të paktën ju që fusni duart në xhepat e atyre, që edhe vdesin aty, mos bëni moral.
