Anjeza Gonxhe Bojaxhi, tashmë Shën Tereza i ka shpëtuar jetën një fëmije romun, i cili kishte lindur me deformime dhe ishte braktisur në jetimore. Vlen të theksohet se kjo mund të cilësohet si mrekullia e tretë e Shën Terezës.
Tashmë dy mrekulli të Nënë Terezës dihen dhe janë njohur nga Vatikani. Por Nënë Tereza ka bërë dhe një të tretë. Ajo ka shpëtuar një fëmijë të vogël në Rumani gjatë diktaturës së Nikola Çauçesku. I lindur me një deformim, Çiprian rrezikonte të vdiste. Ai u braktis nga mamaja tek një jetimore, ndoshta për shkak të pamundësisë për tu kujdesur për të.
Kur çdo gjë dukej pothuajse e mbaruar për të, u shfaq nënë Tereza. Në atë kohë murgesha shqiptare, po vizitonte jetimoren në Rumani. Ajo vëren Çiprian dhe e merr me vete në Bukuresht në pritje për ta transferuar në Itali. Çiprian në atë moshë kishte humbur shikimin në syrin e majtë dhe po verbohej në atë të djathtin.
Pas dërgimit në itali, vogëlushi i nënshtrohet disa kurave dhe operacioneve për t’i shpëtuar jetën. Mjekët italianë ia dolën.
Nënë Tereza nuk e harron vogëlushin dhe kthehet në Itali për të marr pjesë në pagëzimin e tij si kumbare. Që në moshën 15 vjecare ai u angazhua si aktor, piktor, dhe not në të cilin fitoi edhe një medalje të artë në lojrat olimpike speciale të 2014.
