Vazhdon koncerti në nder të figurës së Nënë Terezës, që paraprin ceremoninë e shenjtërimit të saj ditën e nesërme. Yjet e njohur të artit shqiptar në botë, kanë nderuar këtë ngjarje me pjesëmarrjen e tyre.
Lorik Cana dhe Rita Ora dhanë përshëndetjen e parë për të ftuarit, ndërsa Inva Mula performoi “Ave Maria”. Violina e Shkëlzen Dolit dhe zëri i Ermonela Jahos ishin pa dyshim një vlerë e shtuar në këtë mbrëmje, ku nuk kanë munguar as Saimir Pirgu, Majlinda Kelmendi dhe personazhe të tjerë të njohur të artit dhe sportit shqiptar.
