Autoritetet turke arrestuan sot nëntë gazetarë, midis tyre edhe kryeredaktorin e së përditshmes ”Hurriyet”, me dyshimin për lidhje me predikuesin Fetullah Gulen, i akuzuar për orkestrimin e grushtit të dështuar të shtetit në Korrik.
Zyra e Prokurorit të Stambollit ka lëshuar mandatarreste kundër 35 personave, të akuzuar për bashkëpunim me njësitë e ushtrisë që u përpoqën për të përmbysur autoritetin e presidentit Recep Tayyip Erdogan më 15 korrik.
Midis gazetarëve të arrestuar, të akuzuar për propagandë pro-Gylenit renditet gjithashtu Dincer Gokce, kryeredaktor i web-it anglofon të ”Hurriyet”.
Tetë personat e tjerë, të arrestuar në Stamboll, Ankara dhe në provincën Kocaeli (veriperëndim) janë aktualisht ose ish-gazetarë të së përditshmeve ”Bugun”, ”Radikal” dhe ”Yeni Safak” ose të ish-gazetës opozitare ”Zaman”.
