Shkëlzen Gashi vazhdon me formën e shkëlqyer në Kampionatin Amerikan të Futbollit (MLS), me skuadrën e Colorado Rapids. 28-vjeçari e ka gjetur sërish rrugën e rrjetës, kësaj here në fushën e Real Salt Lake. Sulmuesi i kombëtares shqiptare, pas 5 minutash lojë, e ka kaluar skuadrën e tij në avantazh, duke përfituar nga kthimit i topit, pasi në fillim ishte Badji, që lëshoi një predhë nga distanca dhe portieri vendës nuk e zotëroi dot. Gjithsesi, gëzimi i miqve nuk zgjati shumë, sepse vendësit barazuan pak para fundit të pjesës së parë. Në pjesën e e dytë loja floli tërësisht për Real Salt Lake, që kaloi në fillim të këtij fraksioni në avantazh, teksa gjatë minutave të mbetura humbi edhe dy penallti.
Me këtë humbje, skuadra e Gashit pozicionohet në vendin e tretë, në Konferencën e Perëndimit, me 43 pikë, dy pikë më pak se Dallas, në krye, por ka edhe dy ndeshje më pak. Sa i përket formës personale, 28-vjeçari kuqezi po kalon një moment të shkëlqyer në MLS, që pas transferimit nga kampionët e Zvicrës. Në 19 ndeshje, Gashi ka shënuar 5 gola me fanellën e Colorado Rapids, si dhe ka dhënë 3 asiste për shokët e skuadrës. Një lajm i mirë ky edhe për De Biazin, i cili ndoshta duhet t’ia gjejë vendin e duhur Gashit edhe në kombëtare, që golat e tij të ndihmojnë në kualifikueset e “Rusia 2018” edhe kuqezinjtë.
