Një aksident ka ndodhur mëngjesin e sotëm në qytetin e Sarandës.
Një makinë ka humbur kontrollin dhe është përplasur me një dyqan duke u futur deri në brendësi të tij.
Ngjarja ka ndodhur në rrugën “Butrinti” në Sarandë.
Sipas qytetarëve që raportojnë në postën elektronike të Opinion.al, makina i përket shërbimeve shtetërore dhe për këtë arsye forcat policore po mundohen ta mbulojnë ngjarjen duke tentuar të heqin edhe targat e makinës.
Siç duket nga fotot, dalja e makinës nga rruga, duke përfunduar mbi trotuar e më pas brenda dyqanit ka shkatërruar pemët e trotuarit dhe gjithë ambientin e dyqanit në rrugën “Butrinti”.
Shoferi ka tentuar të shmangë një kalimtar, për të mos e shtypur dhe ka devijuar rrugën në trotuar, me shpejtësi.
Mësohet se nga aksidenti ka mbetur e plagosur shitësja e butikut ku u përplas makina.
