Fatmir Xhafa, kryetari i Komisionit të Posaçëm për Reformën në Drejtësi, ka ftuar gjithë anëtarët e Komisionit në një ceremoni që pritet të zhvillohet në Pallatin e Brigadave.
Ceremonia ka si synim falenderimin e atyre që kanë ndihmuar për reformën në drejtësi si dhe vlerësimin apo shpërblimin moral.
Nuk dihet se si do organizohet ceremonia dhe nuk kuptohet përse gjithë kjo atmosfere festive për aprovimin e thjeshtë të një ligji.
Duket më shumë si një çështje elektorale se sa një ndryshim kushtetues. Eshtë e çuditshme, më shumë po nderohen anëtarët që ndryshuan kushtetutën se sa ata që e kanë hartuar atë më 1998.
Por në ceremoninë e njoftuar nga Basha nuk do marrin pjesë anëtarët e PD-së të Komisionit të Posaçëm për Reformën në Drejtësi.
Nënkryetari i Komisionit të Posaçëm për Reformën në Drejtësi, deputeti i PD-së, Oerd Bylykbashi ka reaguar në lidhje me deklaratën e Fatmir Xhafajt për qëndrimin e opozitës për ‘Vetingun’. Ai ka thënë se PD është për të kaluar ligjet dhe jo për të festuar.
Ligjvënësi Bylykbashi theksoi se procesi u karakterizua nga një qasje arrogante. Dhe se mazhoranca cdo momenti tentoi të prishte konsensusin.
“Kuvendi i Shqipërisë miratoi me konsensus në 22 korrik paketën e ndryshimeve kushtetuese për Reformën në Drejtësi. Voptimi unanim përmbylli një proces i cili për fat të keq në vend të gjithëpërfshirjes, konsensusit, vullnetit të mirë dhe mirëbesimit, transparencës dhe legjitimitetit, u karakterizua nga një qasje arrogante, konfliktuale, përjashtuese, jo transparente hileqare dhe me një gjuhë denigruese”, citohet në reagimin e Bylykbashit.
Në letër shkruhet se miratimi dhe dekretimi i ndryshimeve Kushtetuese është një moment që na vë të gjithëvë përpara përgjegjësive të mëdha për të vazhduar fazën e re, atë të miratimit të shtatë ligjeve organike dhe mbi 30 ligjeve të tjera që plotësojnë Reformën në Drejtësi, me përgjegjshmëri, gjithëpërfshirje, profesionalizëm, konsensus të shëndetshëm dhe transparencë të vërtetë.
Reagimi i Fatmir Xhafës:
Kryetari i komisionit për reformën në drejtësi, Fatmir Xhafaj tha se PD është njohur me pr/ligjin për vetingun që në datën 4 korrik dhe sipas tij, çdo pretendim se nuk ka kohë të mjaftueshme për tu njohur me ligjin është një gënjeshtër.
“I kam dërguar një njoftim anëtarëve të komisionit, por jo thjesht njoftim për mbledhje por dhe projektin, relacionin dhe shtojcat që shoqërojnë projektin. Ligji për vetingun është një nga 7 ligjet kryesore të paketë që shoqërojnë projektin kushtetues. Eshtë një gënjeshtër nga të gjithë ata që kanë pretenduar se nuk kanë kohë për ta njohur ligjin. Ajo që është dërguar dje janë reflektimet që i janë bërë projektligji bazuar në ndryshimet e fundit kushtetuese. Kanë qenë në dijeni që në datën 4 korrik për përmbajtjen e këtij pr/ligji. Ky projekt ligj është i gatshëm për tu votuar dhe për të kaluar në seancë plenare.”- deklaroi Xhafaj.
Xhafaj deklaroi se qëndrimi i opozitës dhe ultimatumet e saj nga studiot televizive për 7 ligjet me ndryshimet kushtetuese që u dekretuan dje nga presidenti Nishani. Xhafaj, në mënyrë të tërthortë la të nënkuptohej se po tenton të prish konsensusin e arritur më 21-22 korrik, kur u miratuan edhe ndryshimet kushtetuese. Teksa u pyet nga gazetarët në lidhje me vendimin e kryetarit të Kuvendit për të pezulluar takimet në SHBA dhe për të ardhur në Shqipëri për shkak të klimës politike, ku sipas tij po tentohet të prishet konsensusi i arritur mes palëve, Xhafaj tha se komentet e PD rendojnë klimën politike.
Nga ana tjetër Xhafaj shprehu keqardhje për mosprezencën e anëtarëve të opozitës në Komision.
“Nuk e di këtë por më vjen keq që PD i kanë ndërprerë zotit Meta vizitën. Janë shpallur nga Presidenti i Republikës, janë botuar sot në fletoren zyrtare, por çdo fuqi të ligjit duhet të jetë për datën kushtetuese. Duhet të ketë një rregull. Për tu bërë efektive kërkon 15 ditë kohë. Rëndësi ka vullneti për këtë proces. PD dhe komisionerët e saj duhet të kishin ardhur në komision dhe nuk do kishim situata të tilla paradoksale, siç është kjo telenovela që janë mësuar të shohin shqiptarët. 7 ligjet nuk u shkëputën. Ato janë të 7-ta ligjet dhe askush s’do e kishte menduar që koha e shkurtër, bëhet e pamundur që në 28 korrik të miratohen të 7-ta ligjet. Nëse opozita do kishte marrë pjesë në komision do ishte e lehtë, por nuk erdhi. Ligji për ‘Vetingun’ është ligji pararendës për reformën. Duhet të nis procesi i ‘Vettingut’ më pas duhet të nis puna. Që ky proces të filloj ndërkombëtarët do i duhet punë të zgjedhin prokurorët ndërkombëtar. Jam i shqetësuar nga deklarimet publike të PD të cilët e rëndojnë klimën politike, do ishte më mirë që ata ta përforcojnë këtë proces sesa të bëjnë deklarata. Zgjidhja më e mençur është që të ulen në komision për të ecur përpara.” theksoi Xhafaj
