Sekretari i përgjithshëm i PD-së, Arben Ristani ka hedhur poshtë çdo mundësi bashkëpunimi apo koalicioni me partinë LSI.
Pavarësht qëndrimit për reformën në drejtësi, thirrjeve të Metës për qeveri teknike apo zërat për krisje koalicioni, për Ristanin prioritet i opozitës mbeten zgjedhjet e parakohshme.
“Nuk mund të ketë një aleancë me dy partitë që janë në pushtet, ne jemi kundërshtarë të tyre dhe mendojmë se janë të dy përgjegjës për gjendjen e Shqipërisë dhe nuk mund të kemi një aleancë”, tha ai përgjatë një interviste në Ora Neës.
Ai bëri me dije se për PD qeveria teknike është zgjidhja e vetme që ne në Shqipëri të kemi zgjedhje të lira dhe të ndershme.
“Në rast se ne nuk arrijmë të shkojmë pa Ramën në zgjedhjet e ardhshme, garancia që do të ketë zgjedhje të lira dhe të ndershme shkon drejt niveleve më të ulëta”, tha Ristani.
Në lidhje me deklaratat publike të disa deputetëve demokratë se do të votojnë reformën në drejtësi pavarësisht vendimit të PD, Ristani i vlerësoi si shenjë e demokracisë së brendshme.
“Së pari reforma të tilla po jo vetëm të tilla, por për cdo gjë që diskutohet në grupin e PD janë pjesë e punës. Nuk mund të jemi të gjithë në një mendje dhe kjo është fare normale”, tha ai.
