Nuk është me rëndësi se në cilën periudhë jetësore dalin, çdoherë puçrrat janë të padëshirueshme. Më së shpeshti lajmërohen gjatë pubertetit, periudhës fertile tek femrat, menopauzës, gjatë dhe pas shtatëzënisë mirëpo të gjithë që kanë probleme me puçrrat kanë një dëshirë të përbashkët- të lirohen sa më shpejtë nga ato.
Ju ofrojmë disa këshilla dhe metoda që do ju ndihmojnë në zgjidhjen e lëtij problemi.
Acidi salicilik është i shkëlqyeshëm në sanimin e puçrrave të kuqe që janë në fazën e inflamacionit pasiqë qetëson inflamimin, stimulon hapjen e kanaleve dhjamore të poreve ndërsa në anën tjetër nuk është e dëmshme për lëkurën.
Vaj nga trungu i çajit ka efekt baktericid dhe antimikrobial. Vaji në bazë të çajit ka të gjitha efektet sikurse acidi salicilik.
Squfur. Qumështi i squfurit mund të blehet kudo në barnatore, shërben si sfungjer që e pi yndyrën e cila shtresohet tek puçrrat me çka i bën ato të thahen dhe e mbron lëkurën e fytyrës nga paraqitja e sërishme e tyre.
Terapia me dritë të kaltër është njëra nga metodat bashkëkohore për të zgjidhur problemin e sëmundjeve të lëkurës, është shumë e shtrenjtë mirëpo mjaftojnë dy seanca gjatë javës që të mos keni probleme me puçrrat.
Peroksidi benzoil është shumë i fortë dhe zakonisht përdoret vetëm me rekomandim të mjekut. Ky preparat shkakton tharjen e puçrrave mirëpo duhet të jeni të kujdesshëm që të mos dëmtoni lëkurën.
Retinoidet janë preparate që pas aplikimit ndikojnë në ndryshimin e vetë përbërjes së yndyrës që tajitet nga lëkura duke pamundësuar shumimin e baktereve. Rationidet e bëjnë lëkurën të ndijshme ndaj rrezeve të diellit andaj edhe përdoret vetëm gjatë natës.
Antibiotikët oralë futen në lojë nëse terapitë lokale nuk kanë sukses. Antibiotikët veprojnë mbi infeksionet nga brenda organizmit, zvogëlojnë numrin e puçrrave dhe janë terapi që rekomandohet në periudha të gjata kohore.
Mjetet kontraceptive orale u rekomandohen të rinjve që kanë probleme me aknet pasiqë këto pilula rregullojnë balancin e hormoneve dhe e ulin mundësinë e paraqitjes së akneve të cilat zakonisht shkaktohen nga jobarazpesha hormonale. Sidiqoftë, për të përdorur këto mjete duhet të konsultoheni me mjekun.
Izotretioninet janë bar oral që i shkatërron qelizat patologjike yndyrore mirëpo nuk preferohen të përdoren gjatë periudhës së shtatëzënisë./femra.net/
